हाती घेता लेखणी

 

हाती घेता लेखणी । शोधे जगाची मी वार्ता ।

परी माझ्या या चित्ता । पांडुरंग ॥ १ ॥

कागदाच्या पानावरी । शाई शब्दांची उमटे ।

मुखी मात्र सदा रटे । विठू-नाम ॥ २ ॥

लिहितो मी बातम्या । जगा दावितो आरसा ।

मनी पाहतो मी ठसा । सावळ्याचा ॥ ३ ॥

अक्षरांच्या ओळीतूनी । वाहे भक्तीचीच गंगा ।

तुझ्याच रे पांडुरंगा । ध्यानी-मनी ॥ ४ ॥

पत्रकार मी संसारी । कर्म माझे हे लिखाण ।

श्वासातूनी तुझे गान । विठ्ठला रे ॥ ५ ॥

* रचना - सुनील ढेपे