मी आजोबा !
आयुष्याच्या वाटेवर अनेक वळणे येत असतात. काही आपल्याला हवीहवीशी वाटतात, तर काही नकळत आपल्या वाट्याला येतात. माझ्या आयुष्यातील एक असेच वळण म्हणजे माझे लग्न. वयाच्या अवघ्या एकविसाव्या वर्षी मी कोणाच्या तरी प्रेमात पडेन या भीतीपोटी माझे लग्न लावून देण्यात आले. आई-वडिलांच्या इच्छेपुढे माझा कधीच नकार नव्हता. त्यांची आज्ञा म्हणजे माझ्यासाठी शिरसाची आज्ञा ! वडिलांच्या एका मित्राच्या नातेवाईकांमुळे माझे लग्न जमले. मुलीचा भाऊ पत्रकार होता, त्यामुळे पत्रकारितेतील संघर्ष तिला चांगलाच ठाऊक होता. कदाचित त्यामुळेच तिने लग्नाचा निर्णय घेतला असावा.
लग्नानंतर दोन वर्ष लोटताच आमच्या घरात एका चिमुकल्या परीने जन्म घेतला. ती मोठी झाल्यानंतर तिचेही लग्न झाले. लग्नाच्या वेळी ती अवघ्या चोविस वर्षांची होती.तिच्या लग्नाच्या दोन वर्षे झाल्यानंतर खुपच गोड मुलगा झाला. तो सध्या दीड वर्षाचा आहे. याचा अर्थ मी अवघ्या ५२ वर्षांचा असतानाच आजोबा झालो! अकालीच म्हातारपण आल्यासारखे वाटते आहे.
पण मला या गोष्टीचा कोणताही खेद नाही. माझ्या नातवाकडे पाहून माझे मन अगदी प्रफुल्लित होते. त्याच्या किलबिलाटाने घर अगदी गजबजून जाते. त्याला खेळवताना, त्याच्याशी गप्पा मारताना माझे सारे वय विसरून जातो. माझ्या आयुष्याला एक वेगळाच अर्थ प्राप्त झाल्यासारखे वाटते.
आयुष्यात कधी कधी आपल्याला नकळत अशा गोष्टींचा सामना करावा लागतो ज्याची आपण स्वप्नातही कल्पना केलेली नसते. पण त्या गोष्टींना आपण कसे स्वीकारतो, त्यातून आपण काय शिकतो हे महत्त्वाचे असते. माझ्या बाबतीत तर या अनपेक्षित वळणाने मला आयुष्याची एक नवी बाजू दाखवली आहे. आता मी एक आजोबा आहे, एक प्रेमळ आजोबा !
- सुनील ढेपे
